ကာယဗလမောင်တိုင်းဟာ ပြိုင်ပွဲနီးလာရင် ကြွက်သားတွေ အမြောင်းမြောင်းထအောင် ကွဲပြားပါလွင်ချင် ကြပါတယ်။ သူတို့အများစုဟာ ကြွက်သားပေါ်လွင်အောင်လို့ ပြိုင်ပွဲနားကပ်လာရင် အဆီမပါတဲ့ အစား အသောက်တွေကို စိစစ်ပြီး ရွေးစားတတ်ကြပါတယ်။ ပြီးတော့ ချွေးများများထွက်တဲ့ အဲ့ရိုးဗစ်လေ့ကျင့်ခန်း တွေလည်း ကစားတတ်ကြပါတယ်။

ဒီလိုလုပ်တာတွေအပြင် ထိပ်သီးမောင်တွေမှာ တွေ့မြင်နိုင်ကြသလို ကြွက်သားတွေကွဲပြီး သွေးကြောလေးတွေပါ ပေါ်လာစေအောင် ကူညီပြုလုပ်ပေးနိုင်တဲ့ နည်းတစ်နည်းရှိပါသေးတယ်။ ဒီနည်းကို “အိုက်ဆို-တင်းရှင်း-ကွန်ထရက်ရှင်း” လေ့ကျင့်ရေးသဘောတရား (ISO-Tension Contraction) Training Principle)လို့ ခေါ်ပါတယ်။ အတိုချုပ်အခေါ်အဝေါ်ကတော့ “အိုက်ဆို-တင်ရှင်း” ဖြစ်ပါတယ်။

“အိုက်ဆို-တင်းရှင်း”နည်းကတော့ ကြွက်သားတွေကို ခုခံအား၊ အလေးမပါဘဲနဲ့ ကြွက်သားအား သက်သက်နဲ့တအားညှစ်တဲ့နည်းဖြစ်ပါတယ်။ ကြွက်သားစု တစ်ခုအတွက် တစ်ကျော့ လေ့ကျင့်တိုင်း (၈) ကြိမ်က (၁၀)ကြိမ်အထိ အားကုန်ညှစ်ထုတ်ရပါတယ်။ ဥပမာ -လက်မောင်းရှေ့ကြွက်သား(ဘိုင်ဆက်)ကိုကစား တယ်ဆိုပါစို့။ ရှေ့တည့်တည့်လှည့်ပြီး လက်မောင်းရှေ့သား နှစ်ဖက်စလုံး ကိုယ်ဟန်ပြတဲ့ပုံစံ (Front Double Biceps Pose)နဲ့ (၁၀)စက္ကန့်လောက် တအားညှစ်ထုတ်ပါ။ ပြီးတော့ (၅)စက္ကန့်(၆)စက္ကန့်လောက် ခဏနားပြီး ပြန်ညှစ်ထုတ်ပါ။

ကျွန်တော်ဆိုရင် ပြိုင်ပွဲနားနီးလို့ ရက်သတ္တပတ်နည်းနည်းလောက်လိုတော့ တယ်ဆိုရင် ကြွက်သားစုတစ်ခုအတွက် အိုဆို-တင်ရှင်းနည်းနဲ့အကြိမ် (၅)လောက်အထိ ညှစ်ထုတ်တာကို ကျင့်ပါတယ်။ လက်မောင်းအပါအ၀င် တစ်ကိုယ်လုံးက ကြွက်သားစုတွေကို ကိုယ်ဟန်ပြပုံစံအနေအထား အမျိုးမျိုးနဲ့ ညှစ်ထုတ်ပါတယ်။

အိုက်ဆိုတင်းရှင်း-နည်းကို အဆီမပါတဲ့ အစား အသောက်များ ရွေးချယ်စားသောက်ခြင်း၊ အဲရိုးဗစ် လေ့ကျင့်ခန်းများနဲ့တွဲပြီးလုပ်ခြင်း၊ ပြိုင်ပွဲနီးကပ်ချိန်တွင် လေ့ကျင့်မှုများကို တစ်ခုနဲ့တစ်ခု တစ်ခုအကြား ကြာကြာမနားဘဲ မြန်မြန်ကစားပေးခြင်းတို့နဲ့ တွဲပြီး ပြုလုပ်ကြည့်ပါ။အဓိကကြွက်သားစုကြီးတွေဟာ ကိုယ်ထင်ထားတာထက်ပိုပြီး ကွဲပြားပေါ်လွင်လာတာကို တွေ့ရပါလိမ့်မယ်။

#အောင်အောင်_လှိုင်#𝗦𝗵𝗮𝘄𝗻𝗿𝗮𝘆#𝗜𝘀𝗼𝘁𝗲𝗻𝘀𝗶𝗼𝗻#𝗘𝘅𝗲𝗿𝗰𝗶𝘀𝗲#𝗕𝗶𝗰𝗲𝗽𝘀#𝗙𝗿𝗼𝗻𝘁#𝗗𝗼𝘂𝗯𝗹𝗲#𝗖𝗼𝗻𝘁𝗿𝗮𝗰𝘁𝗶𝗼𝗻#𝗠𝗿𝗢𝗹𝘆𝗺𝗽𝗶𝗮#𝗧𝗿𝗮𝗶𝗻𝗶𝗻𝗴