မို့မောက်ဝင့်ကြွားသောရင်အုပ်တစ်စုံပိုင်ဆိုင်ဖို့ အတွက်..ပက်လက်အိပ်ရင်ဘတ်တွန်းမပါပဲ သင်မပြီးချေ။မည်မျှပင်ခေတ်မှီသည့်စက်ကိရိယာများနှင့်ရင်အုပ်တစ်စုံကိုလေ့ကျင့်နေပါစေ။ အပေါ်ပိုင်းကြွက်သားလေ့ကျင့်ခန်းများတွင် Ben Press သည်ထိပ်ဆုံးမှ ဘုရင်အဖြစ်ရပ်တည်ဆဲ။သို့သော်သင်လိုချင်တဲ့ရင်အုပ်တစ်စုံ ကိုလွယ်လွယ်နှင့်တော့မရပေ။ဒီဘက်ခေတ်ကိုခဏလျစ်လျူရူပြီး 1980ဝန်းကျင်ကိုပြန်သွား ကြည့်ပါစို့။ ဝက်သစ်ချပင်လို့ခေါ်သည့်အာနိုး သူ၏ရင်အုပ်တစ်စုံသည်ထိုအချိန်ကနာမည်ကျော်ပင်။သူ ထိုကဲ့သို့မို့မောက်ဝင့်ကြွားသည့် ရင်အုပ်တစ်စုံကိုသူလွယ်လွယ်မရခဲ့ပေ။ကြီးမား သည့် အလေးပြားကြီးများကို ရှုံ့မဲ့နေသည့် မျက်နှာ ..စိုရွဲနေသည့်ချွေးများ…သူ့အတွက် ခွန်အားဖြစ်စေသည့်ကစားဖော်၏အားပေးသံ(ဖရန်ကိုကိုလံဘူ၏အသံ)..ဒါတွေနှင့်အတူ….တိကျသည့်ရည်မှန်းချက်..မလျော့သည့် ဇွဲ၊ လုံ့လတွေပါဝင်နေသည်။ခေတ်မှီစက်ကိရိယာမပါပဲအာနိုးသည်လှပသော ရင်အုပ်တစ်စုံကိုရယူနိုင်ခဲ့သည်။လွယ်သည်တော့မဟုတ်…သို့သော်..အားကျစရာပင်။ကျွန်တော်တို့လည်းရနိုင်သလောက် ကြိုးစားကြပါစို့။သို့သော်ယနေ့ကျွန်တော်တို့ငြည်းတွားနေကြသည်။

ရင်အုပ်ကြွက်သားကြီးထွားဖို့ဆိုရာတွင်သင်ထိုင်ပြီးငြည်းတွားနေရုံနှင့်မပြီး။အပျင်းထူနေရင်တော့..သင့်နောက်က ဂျူနီယာတွေကသင့်ထက်အရင်..ကိတ်သွားလိမ့်မည်..သင်ကတော့ထိုင်ရာမထ..ငြည်းတွားခြင်းသည်သာ အဖတ်တင်လိမ့်မည်။မှန်ကန်သော..ရင်အုပ်တွန်းလေ့ကျင့်ခန်းတစ်ခုဖြစ်စေဖို့..သင် သိကို သိထားသင့်သည့်အချက် အလက်တစ်ချို့ရှိသည်။သင်မှတ်ထားဖို့ရန်ပက်လက် အိပ်ခုံပေါ်တွင် သင် ရင်အုပ်တွန်းနေရုံနဲ့.မပြည့်စုံပါ…ပုံစံတကျလေ့ကျင့်မှသာ…မှန်ကန်သော အကျိုးရလဒ်ရနိုင်ပေမည်.လေ့လာကြပါစို့…ဤလေ့ကျင့်ခန်းကို ဘယ်လို ကောင်းကောင်းအသုံးချနိုင်မလဲဆိုသော အဆင့်ဆင့် လမ်းညွှန်ချက်ဖြစ်ပြီး စိတ်ညစ်စရာ ကောင်းခဲ့သော၊ ရှောင်လွှဲလို့ မရနိုင်ခဲ့သော မေးခွန်းတစ်ခု၏ အဖြေတို့ဖြစ်သည်။ “ခင်ဗျား ရင်အုပ် ဘယ်လောက်တွန်းနိုင်သလဲ?”

၁။ ဘားရှည်သည် ကိုယ့်မျက်လုံးပေါ် တည့်တည့်ဝန်းကျင်မှာ မရှိရပါ။ ရှိခဲ့လျှင် ကိုယ်တွန်းသည့်အခါ၌ အလေးတင်သည့် စင်နှင့် သွားတိုက်ခိုက်နိုင်သည့် အန္တရာယ်ရှိသည်။

၂။ ခြေထောက်တွေကို ပခုံးအကျယ်ထက် ကျော်ကားထားပြီး ဒူးက ၉၀ံလောက်ကွေးကာ မြေကြီးပေါ် ကပ်ထားပါ။

၃။ ခါးပုံမှန်အနေအထားဖြစ်အောင် ခါးနောက်ကို အနည်းငယ် ကွေး(ကော့)ထားပါ။

၄။ တင်ကြွက်သားများကို တင်းတင်းညှစ်ထားပါ။ ပခုံးများနှင့် တင်ပါးများကို ခုံတန်းပေါ် သေချာ ဖိကပ်ထားပါ။

၅။ ပခုံးအကျယ်ထက် အနည်းငယ်ချဲကာ ဘားကို ဆုပ်ကိုင်ပါ။

၆။ ရင်အုပ်ကြွက်သားပေါ် ထိရောက်မှုပိုစေရန် အသက်ကို ၀အောင် ရှိုက်ရှုထားပြီး ဘားအောက်ကို ချသည့်အခါ အသက်အောင့်ထားပါ။

၇။ ဘားကို ဖြည်းဖြည်းချင်းချပါ။ အဆင်းနှစ်စက္ကန့်၊ အတက်နှစ်စက္ကန့် ကြာပါစေ။ နို့သီးခေါင်းနှင့် တပြေးတည်း သို့မဟုတ် နို့သီးခေါင်းအောက် အနည်းငယ်ဆီသို့ ချပါ။

၈။ ဘားကို အောက်နှိမ့်နေစဉ် နောက်ကျောက လက်ပြင်ရိုးများကို ညှစ်ထားပါ။ ၎င်းသည် ဆုံများ၏ ဟန်ချက်ကို ခိုင်ခံ့စေပြီး နောက်ကျောဝင်းသားများကိုလည်း အလေးပြန်တင်စေရာတွင် အင်အားကို စုစည်းသွားစေသည်။

၉။ ဘားသည် ရင်အုပ်ပေါ်ရောက်သည့်အခါ လက်များသည် L ပုံသဏ္ဌာန်ဖြစ်နေပါစေ။

၁၀။ အလေးကို ပြန်မတွန်းတင်မှီ ဆုံများကို ခုံတန်းရှည်ထဲ နစ်မြုပ်နေပါစေ၊ ခြေဖနောင့်များကို ကြမ်းပြင်ထဲ နစ်မြုပ်နေပါစေ။ (ကိုယ့်ခြေထောက်တွေနှင့် ကြမ်းပြင်ကြီးကို တွန်းထည့်လိုက်သည်ဟု စိတ်ကူးလိုက်ပါ။) အလေးပြန်တွန်းသည့်အခါ အားကို ကိုယ်အပေါ်ပိုင်းဆီရောက်အောင် ခြေထောက်တွေကနေ အားယူတွန်းပါ။ တင်ပါးများကတော့ ခုံတန်းနှင့် ခွာမသွားရပါ။

၁၁။ အမြဲတမ်း လက်မနှင့် ဘားကို ပတ်ကိုင်ပါ။ လက်ကောက်ဝတ်များကို အလွန်ကွေးခြင်းမျိုးမှလည်း ကာကွယ်ပါ။ အဲသည်လိုမဟုတ်လျှင် လက်ဖျံများမှအားထုတ်လွှင့်မှု လျော့နည်းစေသွားပြီး ကိုယ့်ရင်အုပ်တွန်းနိုင်အားကို ထိခိုက်သွားစေသည်။

၁၂။ ဘားဆီသို့ ရင်အုပ်၊ ဆုံနှင့် လက်မောင်းနောက်သားတို့၏ အားကိုသွင်းကာ ညှစ်နိုင်သမျှ ညှစ်တွန်းပါ။

၁၃။ ဘားကို တည့်နိုင်သမျှ တည့်တည့်တွန်းပါ။ လက်ဆုပ်ကိုင်မှုကို မပြောင်းလဲစေဘဲ “ဘားကို နှစ်ခြမ်း စုတ်ဖြဲပစ်သကဲ့သို့“ လက်များကို အပြင်ဖက်ဆီသို့ ကားသွားပါ။

၁၄။ တွန်းရသည့် အခက်အခဲဆုံး အစိတ်အပိုင်းကို ကျော်လွန်ပြီးသည်နှင့် အသက်ပြန်ထုတ်လိုက်ပါ။ သို့မဟုတ် အပေါ်ဆုံး အနေအထားကို ရောက်သည်နှင့် လေပြန်ထုတ်လိုက်ပါ။

၁၅။ ရွေ့လျားမှု၏ ထိပ်ဆုံးမှာ ရင်အုပ်ကို ပြင်းပြင်းထန်ထန် ညှစ်ပါ။ ၎င်းသည် ရင်အုပ်ကြွက်သားများပေါ် အာရုံရောက် ထိစေပြီး ကြွက်သားဖွံ့ဖြိုးစေသည်။

၁၆။ ထိပ်ဆုံးမှာ တံတောင်ဆစ်များကို ဖြောင့်မပစ်ပါနှင့်။ ထိုသို့ ဖြောင့်တန်း ပစ်လိုက်ခြင်းသည် ကြွက်သားများ၏ တင်းအားကို လျော့သွားစေသည်။

𝗣𝗮𝗴𝗲မှာ မတင်ဖြစ်သည့် 𝗕𝗼𝗱𝘆𝗯𝘂𝗶𝗹𝗱𝗶𝗻𝗴& 𝗙𝗶𝘁𝗻𝗲𝘀𝘀 ဗဟုသုတ ဆောင်းပါးများနှင့် 𝗠𝘆 𝗣𝗿𝗼𝘁𝗲𝗶𝗻 𝗚𝘆𝗺 𝗦𝘂𝗽𝗽𝗹𝗲𝗺𝗲𝗻𝘁𝘀 ကြေငြာများကို လေ့လာ ဖတ်ရူလိုပါက ကျွန်တော့်အကောင့်ကို 𝗙𝗼𝗹𝗹𝗼𝘄 ထားနိုင်ပါသည်။

https://www.facebook.com/aung.aungoo.7798#အောင်အောင်_လှိုင်#Chest#Exercise#benpress#Partner#Strength#sweat#Franco#power