ကျွန်တော်တို့ Fitness Trainer တွေ အနေနဲ့ မိမိတို့ ရဲ့ ကစားသမားတွေအတွက် စားသောက်မှုကို လမ်းညွှန်အကြံပြုရာမှာတော့ အမျှင်ဓါတ် ပါဝင်မှုများတဲ့ အစားအစာတွေ အရွက်တွေကို စားသောက်ဖို့ လမ်းညွှန်တဲ့အခါ တပည့်တွေကိုတော့ သေချာရှင်းပြထားပေမဲ့ အခုတော့ အားလုံးအတွက် post လေးရေးတင်ပေး လိုက်ပါတယ်။
Fiber အမျှင်ဓါတ်တွေဆိုတာ အလွယ်ပြောရင်တော့ ကာဗိုဟိုက်ဒရိတ်တွေရဲ့ မချေဖျက်နိုင်သော အစိတ်အပိုင်းတွေပဲ ဖြစ်ပါတယ်။
Fiber အမျိုးအစား ၂ ခုရှိပါတယ်။
-ရေတွင် ပျော်ဝင်နိုင်သော fiber နဲ့
-ရေတွင်မပျော်ဝင် နိုင်သော fiber တို့ ဖြစ်ပါတယ်။
ရေတွင်ပျော်ဝင်နိုင်သော fiber များသည်၊ ရေထဲတွင်ပျော်ဝင်ပီး Gel ကဲ့သို့ ပုံစံပြောင်းသွားပီး ၎င်းကို အူမကြီးထဲမှ ကောင်းသော ဘက်တီးရီးယားများက စုပ်ယူပီးနောက် ၎င်းကို သွေးတွင်းသကြားဓါတ်ကို ထိန်းညှိပေးခြင်း၊ ကိုလက်စထရောလ် ပမာဏကို လျော့ချပေးခြင်းနှင့် နှလုံးသွေးလည်ပါတ်မှုစနစ် ဆိုင်ရာ ရောဂါဖြစ်နိုင်ချေများကို ဆောင်ရွက်ပေးပါသည်။
ရေတွင်မပျော်ဝင် နိုင်သော Fiber များကတော့ ဝမ်းချုပ်ခြင်းကို ကာကွယ်ပေးနိုင်ပါသည်။
fiber နှစ်မျိုးလုံးသည် ရင်ပြည့်စေပီး အစားများများစားခြင်းမှ ကာကွယ်ပေးပီး အဝလွန်ခြင်း၊ ဆီးချိုရောဂါနှင့်
နှလုံး သွေးကြော ရောဂါများကို ထိန်းချုပ်လျော့ချနိုင်စေရန် ကူညီပေးပါသည်။
Fiber ပါဝင်မှုများသော အာဟာရ (oat, အရောင်ရင့်သော အရွက်များ မုန်လာဥ ပန်းဂေါ်ဖိီစိမ်း အစေ့အဆံများ သို့သော်အစေ့အဆံများတွင် ကယ်လိုရီပါဝင်မှုများသည်ကို ဂရုပြုပ်။ ကန်ဇွန်းဥ ဆလပ်ရွက် ပန်ဂေါ်ဖီ မုန်ညှင်း ဌက်ပျောသီး စတော်ဘယ်ရီ—) များတွင် fiber 2-မျိုးလုံးပါဝင်နေပါသည်။
The Recommended Daily Allowance
(RDA) အရ အမျိုးသမီးများအတွက် တနေ့လျင် အမျှင်ဓါတ် ၂၅-ဂရမ် လိုအပ်ပီး အမျိုးသားများအတွက် တနေ့လျင် ၃၈-ဂရမ် လိုအပ်ပါသည်။
အထက်ပါ တင်ပြချက်များအရ အမျှင်ဓါတ်၏ အကျိုးကျေးဇူးကို သိလောက်ပီဟု ထင်ပါသည်။
ဒါဆို ဒီနေ့ကစပီး အမျှင်ဓါတ် ပါဝင်အောင် ဂရုပြု စားသောက်မယ်လို့ မျှော်လင့်ရင်း—-
ကျန်းမာကြပါစေဗျာ
လေးစားချစ်ခင်လျက်- နိုင်ဦး-၁၁၉