ကာယဗလလောကရဲ့လက်သုံးစကားတစ်ခွန်း အာဟာရ ၇၀ရာခိုင်နှုန်း လေကျင့်မှု ၃၀ရာခိုင်နှုန်းဆိုတာ ပေါ့။ ရုတ်တရက်တွေးလိုက်ရင်အာဟာရကိုအရေးကြီးဆုံးဆိုတာက်ုပြောတာပါ။ကျွန်တော်ကတော့ ဒီအဆိုက်ု လက်မခံပါဘူး အာဟာရအရေးမကြီးလို့လား။ကြီးတာပေါ့ မှန်ကန်တဲ့အာဟာရရွှေးချယ်စား သောက်တတ်မှလည်းပြိုင်ပွဲမှာအနိုင်ရစေနိုင်တာလေ။ဒါပေမယ့်အာဟာရနဲ့ပြီးလားမပြီးနိုင်ပါဘူးတစ်ခြား အရာတွေဖြစ်တဲ့ လေ့ကျင့်မှုအပိုင်း အနားယူမှုအပိုင်း စိတ်ဓာတ်အပိုင်း ဇွဲလုံ့လ ဒါတွေကလည်း ဘက်စုံ ကနေမရှိမဖြစ်ပါ။အထက်ပါအပိုင်းတိုင်းမှာ ဘယ်ဟာကို ဘယ်လောက်ရာခိုင်နှုန်းဆိုပြီး ခွဲတန်းချနေလို့မ ရပါဘူး။အားလုံးကို ၁၀၀ရာခိုင်နှုန်းသာတွေးထားပါ။ရင်လောက်မှန်းမှဒူးလောက်ရတယ်ဆိုတာကြားဖူး မှာပါ။မျှမျှတတလေးတွေးထားပါ သင့်အနေနဲ့ အရာတိုင်းမှာ အချိန်အဆညီဖ်ု့လိုပါတယ်

၁။လူသစ်သမားတွေအများစုက်ုကြည့်လိုက်ပါ စကစားကာစအချိန်တွေဟာ ရေတက်ငါးစင်းရိုင်းတွေလို ဖလန်းဖလန်း နဲ့က်ု ဖြစ်နေတတ်တာ Gymတွေမှာ တွေ့ရပါမယ်။စီနီယာတွေကို အားကျ Group ပေါင်းစုံ မှ စီနီယာတွေရဲ့ကစားနည်းပေါင်းစုံ အပြောပေါင်းစုံကို နားယောင်ပြီး Gymရောက်တာနဲ့ လက်တည့်စမ်း ပြီး iso မသိ compound နားမလည် လက်အထားအသို ခြေအထားအသို ဆိုတာ ခပ်ဝေးဝေးမှာထား များများမ များများကြီးမယ်ဆိုတာကို ခေါင်းထဲထညြ့်ပီး အကြိမ် အကျော့ နဲ့ လိမ်ဖယ်လိမ်ဖယ် သမားတွေ အများကြီးပါ။အဆိုပါ လူသစ်တွေကတော့ ကစားတာကိုအာရုံစိုက်ပြီး တစ်ဖက်ကအနားယူမှုနဲ့ အာဟာရ ဆိုတာကို ဖြစ်သလိုပဲတွေးထားတတ်သူတွေပါ။ဒီလိုမျိုး ကစားတာကိုပဲ ရာနှုန်းပြည့်ထားတော့လည်း တိုးတက်မှာလား အနားယူမှု အာဟာရ မပါရင်လည်း Noပါပဲ။

၂။တစ်ချို့လူသစ်ကျတော့Gymဆိုတာက်ု အခုမှစပြီးကြားဖူးကာစ အလေးပြားဘယ်နှစ်ပေါင်ပြားတွေ ရှိတယ်ဆိုတာကိုတောင် ဂဂဏဏမသ်သေးဘူး။Creatineသောက်ရမလား အမိုင်နိုလား Whey protein လား Bccaလားဆိုတာမျိုးတွေပါ။ပိုက်ဆံတတ်နိုင်လို့သုံးစွဲနိုင်တာ အပြစ်မပြောပါဘူး steriod သုံးတာမဟုတ်တော့ ဆိုးကျိုးလည်း မရှိသလောက်ပါပဲ။ဒါပေမယ့် ကစားသက်ကအခုမှ တစ်လမပြောနဲ့ တစ်ပတ်တောင် မပြည့်သေးဘူး ဆေးကို အားက်ုးချက်စိတ်များနေတာ မကောင်းပါဘူး။ကျွန်တော် ကိုအောင်ဆွေနိုင်ကို အင်တာဗျူးစဉ်တုန်းက ကိုအောင်ဆွေနိုင်က လူသစ်သမားတွေ အနေနဲ့ ကစားသက် ၆လလောက်ရပြီးမှ supplementကိုသုံးတာ အကောင်းဆုံးလို့ဖြေကြားဖူးပါတယ်။ဆေး မကောင်းဘူးပြောတာမဟုတ်ပါဘူး သောက်ပါ သောက်သင့်တဲ့အချိန်လောက်ဆို သောက်ပါ မတားပါဘူး။ ကစားလို့ကြံမယ်ဆိုကာရှိသေး ဆေးအားကိုးပြီး ကြီးချင်တာ ကစားအားကိုမထည့်ချင်ပဲ ဆေးသောက်တိုင်း ကြီးမယ်ဆို Supplement company ပိုင်ရှင်တွေ ဝန်ချီစက်နဲ့ မနေရလောက်တဲ့ Body weight ကိုပိုင်ဆိုင်နေမှာပါ။မှတ်ထားပါ ကစားအား မရှိပဲလေ့ကျင့်ခန်းမလုပ်ပဲ Creatineလည်းမစွမ်းနိုင်သလို Whey proteinလည်း အလုပ်မဖြစ်ပါ။အထောက်အကူပြုဆိုသည့် အတိုင်း သင့်ကို အထောက်အကူပဲပေးစွမ်းနိုင်တာပါ နတ်ဖော်တဲ့ဆေးမဟုတ်ပါ။

၃။ကယ်လိုရီကိုလည်းဂရုစိုက်ပါ။အရေးကြီးတဲ့အချက်ထဲမှာကယ်လိုရီလည်းပါနေပါတယ်။တော်ရုံတန်ရုံ Gymတစ်ခုအနေနဲ့ကတော့ ကျွန်တော်ရဲရဲဝံ့ဝံ့ပြောရဲတာတစ်ခုကဘယ်ကစားသမားကိုမှ Carbဆိုတာဘယ်မှာပါတယ် ကယ်လိုရီဘယ်လောက်ပမာဏပရိုတိန်းဆိုတာဘာလဲ အဆီဆိုတာဘာလဲ တစ်နေ့ဘယ်နှစ်ကြိမ်စားသောက်ရမလဲ ဘယ်လိုမျိုး အချိုးအစားနဲ့ စားရမလဲဆိုတာတွေက်ုအချိန်ပေးပြီး မရှင်းပြပါဘူး။တစ်ချို့Gymမှာနည်းပြပေါက်စတစ်ချို့ဆို ကယ်လိုရီပမာဏအချိုးအစား ဘယ်လိုတွက်ရသလဲ ဆိုတာတောင် မသိရှာပါဘူး။အဆိုပါကယ်လိုရီတွက်ချက်မှုပါဝင်မှုတွေကိုသိထားမှ လည်း ကိုယ့်ရဲ့လေ့ကျင့်မှုကြောင့်ကုန်ဆုံးသွားတဲ့ပမာဏချိန်ညှိပြီးစားသောက်နိုင်မှာပါ။Burn up Calorie များပြီး ပြန်ဖြည့်တဲ့ကယ်လိုရီနည်းနေရင် လေ့ကျင့်ထားတဲ့အရာအားလုံးကအလကားဖြစ်မှာ အသေအချာပါ။အစားအသောက်အနည်းအများကိုနေ့စဉ်စားသောက်တဲ့ကယ်လိုရီ၅ရက်လောက် ဒိုင်ယာရီထားပြီးပြန်လည်ချိန်ညှိပါ ကိုယ်အလေးချိန်လျော့သလား တိုးသလား တန့့်နေသလား ဆိုတာ ကယ်လိုရီအပေါ်လည်းမူတည်နေပါတယ်။

၄။အာဟာရကို တစ်နှစ်ပတ်လုံး ဂရုတစ်စိုက်စားသောက်ခဲ့တဲ့ မောင်အိုလံပီယာတွေတောင်တစ်ညထဲနဲ့ ကပ်ပြီးတော့ အရေးနိမ့်ခဲ့ပုံတွေဘသာဓကများစွာရှိပါတယ်။၁၉၈၄မောင်အိုလံပီယာမှာ ဆမ်မီယာဘမ်နူး တစ်ယောက် နေ့လည်ခင်းမှာ ဗိုက်ဆာလို့ကြက်ကင်တစ်ကောင်လုံးစားခဲ့ရာ ညဘက်လည်းရောက်ရော ဖိုင်နယ်မှာကြွက်သားများ ပြောင်ချောဖြစ်ပြီး ရှုံးနိန့်ခဲ့ရသည်။ထို့အတူပဲ ခုနှစ်ကြိမ်မြောက်အိုလံပီယာဆု ကို ဆွတ်ခူးခဲ့တဲ့ ၁၉၉၀ အိုလံပီယာမှာ လီဟေနီယာ နှုတ်ခမ်းမွေးသဲ့သဲ့နဲ့ လီလာဘရာဒါကို နေ့လည်ခင်းမှာ အကြိတ်အနယ်ပြိုင်ခဲ့ရပေ့မယ် ညပိုင်းပွဲမှာတော့ လီဟေနီက အသာစီးရပြီး ဆုကိုဆွတ်ခူးနိုင်ခဲ့တယ်။အဖြေကတော့ လီးလာဘရာဒါတစ်ယောက် အစားအသောက် သောင်းကျန်းလို့ဆိုတာအဖြေထွက်ခဲ့ပါတယ်။ဒါကြောင့်အာဟာရဆိုတာ ပြိုင်ပွဲတက်နေတဲ့အချိန်ပိုင်း လေးမှာတောင် ဘယ်လောက်နေရာယူသလဲဆိုတာနားလည်မှာပါ။

၅။Six packs ကိုတမ်းတမ်းစွဲမက်မောနေတာလည်းလျော့သင့်သလောက်လျော့ပါ။လူသစ်သမားတွေ အတွက်က လူကောင်င်္ကြးအောင် ကြွက်သားထုထည် ကြီးထွားအောင် လေ့ကျင့်နေစဉ်မှာ ဗယ်လီကြွက်သားဆိုတာ ပျောက်နေမှာပါ။ထုတင်လို့ဗယ်လီပျောက်နေတာကိုစိတ်ညစ်စရာ မလိုပါဘူး ဗယ်လီလည်းပေါ်ချင် ထုလည်းတင်ချင်တယ်ဆိုရင်တော့ နည်းနည်းလေးတော့လွဲနေမှာပါ။တစ်ချို့ကျ တော့လည်း ဗယ်လီခြောက်လုံးကို ပြူးပြဲထွက်ချင်တယ် ကျန်မာဆယ်ဆိုတာ မရှိလည်းအရေးမကြီးဘူး ဆိုတာမျိုးမေးလာသူတွေလည်းကြုံရပြန်ပါတယ်။လူအမျိုးမျိုးစိတ်အထွေထွေပါ ဗယ်လီပေါ်ဖို့ဆိုတာ ကိုယ်တွင်း အဆီရာခိုင်နှုန်းနည်းမှပေါ်သလို ခြောက်တုံးတွေ ရှစ်တုံးတွေဆိုတာလည်း မွေးရာပါ တည်ဆောက်ပုံအရ တစ်ယောက်နဲ့တစ်ယောက်မတူပါဘူး။လုပ်ယူလို့သာရစတမ်းဆို ပြိုင်ပွဲဝင်တိုင်း ဗယ်လီ ၈လုံးနဲ့ စင်ပေါ်မှာတန်းစီနေမှာမလွဲသေချာပါ။ဗယ်လီလိုချင်တယ်ဆိုရင် ထောင့်စုံအောင်ကစားပါ ဘီယာ အဆီအစိမ့်ရှောင်ပါ အစားအသောက်ဂရုမစိုက်သမျှ ဗယ်လီဆိုတာ နီးလျက်ဝေးနေမှာပါ။

၆။ဒီလိုလူစားတွေလည်းရှိပြန်တယ်ဆိုရင်သင်မယုံမှာလား။လက်မောင်းပဲင်္ကြီးချင်တယ် ဆုံကြီးချင်တယ် Chest မောက်ချင်တယ် တင်ကြီးချင်တယ် ဆိုတာမျိုးတွေပါ။အဆီချသမားတွေအဆီကွက်ပြီးကျချင် သလိုမျိုးတစ်ချို့လူသစ်တွေကလည်း ကြွက်သားအစ်တ်အပိုင်းတစ်ခုထဲကိုကွက်ပြီးကြီးချင်တာ သဘာဝမကျဘူးထင်ပါတယ်။သူတို့ရည်ရွှယ်ချက်ကတော့ Tatooထိုးချင်လို့ အဝတ်အစားဝတ်ရင် ဆုံကြီးတော့ ကြည့်ကောက်းမလားလို့ပါ ဘောင်းဘီဝတ်ရင် တင်မရှိလို့ပါဆိုတာမျိုးတွေပေါ့။Bodybuilding်ဆိုတဲ့အတိုင်း အနုစိတ် တည်ဆောက်ရတဲ့ အားကစားမို့ ဟိုဟာကွက်ကြီးချင် ဒီဟာကွက်ကြီးချင်တာ ဟိုကြွက်သားမသန်လို့ မကစားဘူး ဒီကြွက်သားက်ူသန်လို အကျော့ပိုပြီးကစားတယ်ဆိုတာတွေကBodybuilding မှာကြားနေရတဲ့ အလွဲလေးတွေပါ။အလွဲတွေထပ်ရေးပေးပါမယ်။

အောင်အောင်(လှိုင်)